Di, 05. Juni 2012, 08:23

Zweiti Strophe

von Isaak Meyer

Weder Polterobe, no Hochzitsfescht
Kei Party nochem Maybe-Baby-Tescht
Kei Lottogwünn, kei eignigs Huus
Doch trotzdäm han ich gueti News

 

Dr Cowboy-Ben, dä jungi Maa
isch an öppis andrem dra
Läderstiefel, Huet und Jagge
dueni ine Chischte pagge
Peitsche, Spore, alls muess mit
eifach s ganze Cowboy-Kit

 

Mit Ross und Wage goht's geg Oschte
dört wos Läbe viel duet choschte
Volleyball wird künftig Stress
abr Gott sei Dank gits dr Pony-Express
I hoff, das git Euch nid dr Räscht
Ich mach denn au es "Züri-Fäscht"

 

Howdy